РЭСПУБЛІКАНСКІ СЕМІНАР КІРАЎНІКОЎ МУЗЕЯЎ УСТАНОЎ АДУКАЦЫІ
28 лістапада 2017 года ў г. Магілёве з мэтай удасканалення дзейнасці музеяў устаноў адукацыі, стымулявання творчых ініцыятыў педагагічных работнікаў, прыцягнення ўвагі шырокіх колаў грамадства да шматграннасці музейнай дзейнасці адбудзецца Рэспубліканскі семінар кіраўнікоў музеяў устаноў адукацыі «Музей установы адукацыі як цэнтр пошукавай, даследчай і прафарыентацыйнай работы з навучэнцамі».
У семінары прымуць удзел прадстаўнікі Міністэрства адукацыі Рэспублікі Беларусь, Міністэрства культуры Рэспублікі Беларусь, упраўленняў адукацыі аблвыканкамаў і камітэта па адукацыі Мінскага гарвыканкама, устаноў дадатковай адукацыі дзяцей і моладзі, навукоўцы і кіраўнікі музеяў устаноў адукацыі.
У рамках семінара адбудзецца пленарнае паседжанне, прэзентацыі дзейнасці музеяў устаноў адукацыі, круглы стол, інтэрактыўная пляцоўка «Крок у прафесію».
Падчас правядзення семінара плануецца заслухаць выступленні ўдзельнікаў семінара па пытаннях далучэння моладзі да культурна-адукацыйнай дзейнасці музеяў, пазнаёміцца з вопытам работы музея баявой славы сярэдняй школы № 34 г. Магілёва, музея прафесійнай адукацыі Магілёўскай вобласці Магілёўскага дзяржаўнага прафесійнага ліцэя № 7, Магілёўскага дзяржаўнага ордэна Працоўнага Чырвонага Сцяга прафесійнага агралесатэхнічнага каледжа імя К.П.Арлоўскага, разгледзець пытанні ўзаемадзеяння музеяў устаноў адукацыі з дзяржаўнымі музеямі сістэмы культуры.
Таксама ўдзельнікі семінара прымуць удзел у адкрыцці выставы, прысвечанай жыццю і дзейнасці К.М.Сіманава, у экскурсійна-адукацыйнай праграме на базе музейнага комплексу пад адкрытым небам, які прысвечаны вызваленню п. Буйнічы ў 1944 годзе, наведаюць экспазіцыі Магілёўскага абласнога музея імя П.В.Масленікава.